"RAKET BAK PISANG"
Oleh: Musri Na Katuri
------------------------------
Ban lheuh keumeukoh musem luwah blang.
Peu-ek seulayang angen badee ba.
Awai neusatoh cinta loen hai bang.
Jinoe ka leukang gaseh ka sirna.
.
'Oh ban na jalo ngon neujeumeurang.
Raket bak pisang hana le guna.
Sang kana laen ureung neusayang.
Uloen neutinggai hana neuniet na.
.
Pada hai uloen kana tunangan.
Pawoen loen pulang bak demi gata.
Saweub loen pike jeut gata tungkang.
Laoet ta seubrang pulau asmara.
.
Rupa jih tanjo laen neupawang.
Dalam geulumbang pulau sumatra.
Uloen neutinggai tan neuba sajan.
Jile meulinang loen ro ie mata.
.
Hate loen hanco jantoeng sang leukang.
Tega cut abang loen neupeuluka.
Uloen keucewa kon wayang-wayang.
Uroe ngon malam udep meurana.
.
Wahe Ya Rabbi Ilahi Rahman.
Neubi Ya Tuhan loen beu ek saba.
Beutabah hate ateuh cobaan.
Bek sampe goyang iman lam dada.
0 Response to "RAKET BAK PISANG"
Posting Komentar