jameun di mu'u keubeu langai tran
geubeudoeh awai ban fajar teuka
cangkoi bak baho jaro mat gulam
geujak catok blang untuk seumula
'oh ban lheuh suboeh tehtoh bak jalan
ngon keubeu agam langai seureuta
ban heik geumeu'u geupiyoh rijang
boh bi boh pisang langsong geuraba
teuma nyo jino na keubeu jeupang
mu'u meu hektar si uro saja
bayeu te panen hana peng kontan
jibi meu utang meu sayeng harga
reudok di langet hana deuh awan
mandum ka itam ujeun troen sigra
jameun ka canggeh wareh hai rakan
aneka macam keuno ka jiba
dile peh alat kuweut boh sapai
bate geu kuran peudeih ngon mata
jino na blender siap di putar
siat hai rakan jeut tagun sigra
dile rhah ija tima geuyu tran
saket hana ban jaro ta rasa
ngon meusen cuci jino buatan
saniyo rakan ji eik i sigra
dile geu mosok payah toet arang
jino gosoan ngon listrek kana
dile ureung jak pakek geuritan
keudeh u medan wate beulanja
jameun meuhaba pakek suratan
jino hai rakan kana media
hp yg canggih kana di sajan
pajan keuh pajan jeut peugah haba
ohno keuh dile wate keumarang
mungken bak rakan sambong cerita
ureung yg baca jeut bi komentar
meu macam ragam dalam beranda
oleh : Cek Dy
0 Response to "Meusen ngon Manusia"
Posting Komentar