Foto-Foto

Versi foto uroe raya.
Ta-eu gaya macam merek.
Ladom-ladom ateuh honda.
Dicok gamba cekrek-cekrek.
-
Yang di laot na cit teuma.
Puseng-puta deungon cewek.
Dari beungoh sampoe sinja.
Jak-jak dua hana hek-hek.
-
Udep jomblo foto pih na.
Ngon kamera cok dua krek.
Pakat rakan dum sineuna.
Peuget muka molek-molek.
-
Hana trang deuh hape china.
Cok Nokia laju pakek.
Ngon lhe namphoh(360) setel sigra.
Lagak rupa walau ne-nek.
-
peugot comel keudep mata.
Na cit gaya lage toh ek.
Tumpang keu-ieng jungkat dada.
Ladom apa khem meukhek-khek.
-
Singklet gaki leupah gura.
Meunan hawa han pue kheun bek.
Macam-macam dum seulera.
Edit gamba kotak-kotek.
-
Hajat unggah dalam maya.
Bahan haba meu'oh canek.
Sabe apload hana reuda.
Bak beranda tipek-tipek.
-
Oleh : Musri Na Katuri

Tweet

MASUKKAN EMAIL ANDA UNTUK MENDAPATKAN UPDATE INFO TERBARU: